Brumm brumm brumm....

Núna eru fimm klukkustundir frá því ég byrjaði að vinna og enn hef ég ekki afgreitt sálu. Hinsvegar hef ég lært smá í ítölsku - lo zio (uncle) og la zia (aunt). Tvö orð sem bráðnauðsynlegt er að kunna til að geta bjargað sér í fyrirheitna landinu.

Úti er par (gamalt) í göngutúr sem er ekki í frásögur færandi nema vegna þess að hann heldur í aðra rasskinnina hennar. Ég skal veðja uppá eitthvað (bakkelsi?) að þetta séu Íslendingar. Þeir leiðast nefnilega alltaf svona en ekki eðlilega eins og útlendingar. Það var part niðri í bæ í gær sem leiddist (hönd í hönd) og það voru pottþétt Svíar því enginn Íslendingur myndi girða peysuna sína ofan í buxur. Nema kannski Ámundi Ámundason frá Ámundastöðum í Ámundafirði.