Native American Flutes and Cooking

Það eru Danir í heimsókn. Sigurlaug sagði mér að hætta að glotta svona.
Ég er hætt að vera kaldhæðin. Í alvöru. Genið er horfið. Ég er að hugsa um að gerast væmin í staðinn. Væmið fólk talar bara um væmna hluti eins og andlit og dýr og tilfinningar og ost.

Prófun:

Í dag var yndislegur dagur. Ég vaknaði og sá sólina rísa. Það var himneskt. Margt skemmtilegt gerðist í skólanum. Danir frá Danmörku voru með okkur í tíma og þeir voru alveg frábærir. Ótrúlega skemmtilegt fólk, Danir. Mig langaði bara til að knúsa þá alla! Haha! Alveg eins og kærleiksbjörn :) Skóladagurinn leið á örskömmum tíma. Eftir skóla fór ég með mömmu að kaupa rósir. Rosalega voru þær fallegar. Ég sá fullt af augum á leiðinni sem voru yndisleg og falleg á litin.
Æh, lífið er bara svo yndislegt. Það er matur í kvöldmatinn og allt!
Núna ætla ég að læra eitthvað rosalega fallegt og krúttulegt.



Kannski hef ég ranghugmyndir um væmni.